प्रशासनाची ही सतर्कता पाहिल्याने नागरिकांना हा प्रश्न लवकरच मार्गी लागेल, असे वाटत होते. मात्र, पुढे हे काम रखडले ते आतापर्यंत रखडलेले आहे. घाटनांदूर, अंबाजोगाई, लोखंडी सावरगाव, केज, नेकनूर, मांजरसुंबा, लिंबागणेश, पाटोदा, जामखेड, दौंड किंवा श्रीगोंदा रोड असा हा मार्ग तेव्हा प्रस्तावित करण्यात आला होता. हा रेल्वेमार्ग बीड व अहमदनगर जिल्ह्यातील जनतेच्या विकासाची पर्वणी ठरून आर्थिक सुबत्ता आणणारा ठरू शकतो. बीड जिल्ह्यात उद्योगधंदे वाढीस लागावेत व जिल्ह्यातील आष्टी, पाटोदा, केज हे तालुके रेल्वेमार्गाने जोडले जावेत या उद्देशाने या रेल्वेमार्गाची मागणी पूर्णत्वाकडे जाणार आहे. परंतु हा रेल्वेमार्ग परळी-अंबाजोगाई-केज-नेकनूर-मांजरसुंबा-पाटोदा जामखेड-अहमदनगर ही अधिक प्रवासी अधिभार देणारी गावे वगळून कमी अधिभार देणाऱ्या परळी-तेलगाव-वडवणी-बीड-अहमदनगर अशा प्रकारे बनवण्यात येत आहे. त्यामुळे आता सन २०१६ मध्ये झालेल्या सर्वेक्षणाच्या आधारे घाटनांदूर ते श्रीगोंदा या रेल्वेमार्गाचे काम मार्गी लागावे, अशी नागरिकांची अपेक्षा आहे.

खा बजरंग सोनवणे व खा निलेश लंके यांच्या विशेष प्रयत्नांची आवश्यकता

   घाटनांदूर ते श्रीगोंदा हे अंदाजे २६५ किलोमीटर अंतर आहे. या मार्गावर प्रमुख वीस गावांचा समावेश आहे. आवश्यकतेनुसार पुलांची संख्या असून या रेल्वेमार्गाचा केंद्र सरकारकडून सर्व्हे झालेला आहे. हा रेल्वेमार्ग पूर्णत्वास न्यायचा असेल तर जनरेट्याबरोबरच राजकीय इच्छा प्रबळ असणे अत्यावश्यक आहे. जिल्ह्याच्या माजी खासदार डॉ प्रीतमताई मुंडे यांनी या मार्गासाठी जे प्रयत्न करायला हवे होते ते केले नाहीत त्यामुळे या मार्गाला गती मिळालेली नाही हा मार्गे अहिल्या देवी नगर जिल्ह्यातून जात असल्याने बीडचे खासदार बजरंग सोनवणे हे केजचे रहिवासी असल्याने किमान स्वतःच्या प्रतिष्ठे साठी सोनवणे यांनी व अहिल्यानगरचे खासदार निलेश लंके यांनी लोकसभेत आवाज उठवून व येणाऱ्या बजेट सत्रात भरघोस निधी उपलब्ध करण्यासाठी विशेष प्रयत्न करण्याची आवश्यकता असून याला सकारात्मक प्रतिसाद देऊन परळीचे आमदार धनंजय मुंडे, भाजप नेत्या व आ पंकजाताई मुंडे, केजच्या आमदार सौ नमिताताई मुंदडा, बीडचे आमदार संदीप क्षीरसागर, आष्टी पाटोद्याचे आमदार सुरेश अण्णा धस, कर्जत- जामखेडचे आमदार रोहित पवार या सर्वांनी विषेश प्रयत्न केल्यास हा प्रलंबित प्रश्न निश्चित मार्गी लागणार आहे.

*रेल्वे मार्ग तीर्थ क्षेत्राला जोडणारा आसल्याने भाविकांच्या सोयीचा*

    मराठवाडा ही साधू संतांची, स्वातंत्र्यवीरांची भूमी आसून हा प्रकल्प पूर्ण झाल्यावर मुबंई, पुणे व कोकणातील लोकांना प्रभू वैद्यनाथ, योगेश्वरी, चाकरवाडी, कपिलधार, राशीनची देवी आदी तीर्थ क्षेत्राच्या दर्शनासाठी येण्यास सोयीचे होणार आसून हा रेल्वे मार्ग पूर्ण होण्यासाठी सर्व राजकीय नेते, सामाजिक कार्यकर्ते, व्यापारी, उद्योजक, पत्रकार इत्यादींनी मतभेद बाजूला ठेवून संबंधित मंत्र्यांकडे याबाबत पाठपुरावा केला तरच हा महत्त्वाकांक्षी प्रकल्प पूर्ण होईल अन्यथा विकासा पासून आपण कोसो दूर राहू अशी प्रतिक्रिया जी.एस.सौंदळे, रेल्वे प्रश्नाचे अभ्यासक, परळी यांनी व्यक्त केली आहे.