Skip to content
आगामी स्थानिक स्वराज्य संस्था निवडणुकांची पार्श्वभूमी ; कार्यकर्ते व पदाधिकारी यांच्या 31 ऑक्टोबर रोजी अंबाजोगाई होत असलेल्या बैठकीस उपस्थित राहण्याचे अमर देशमुख यांचे आवाहन
=======================
अंबाजोगाई (प्रतिनिधी)
आगामी नगरपालिका, जिल्हा परिषद व पंचायत समिती या स्थानिक स्वराज्य संस्था निवडणुकांच्या पार्श्वभूमीवर अंबाजोगाईत ३१ ऑक्टोबर २०२५ रोजी शहरातील राजस्थानी मंगल कार्यालयात सकाळी १० वाजता बीड जिल्ह्याचे लोकप्रिय खासदार बजरंगबप्पा सोनवणे यांच्या मार्गदर्शनाखाली राष्ट्रवादी काँग्रेस शरदचंद्र पवार पक्षाच्या बैठकीचे आयोजन करण्यात आले आहे. तरी या बैठकीस अंबाजोगाई शहर व तालुक्यातील कार्यकर्ते व पदाधिकारी यांनी उपस्थित रहावे असे आवाहन तालुकाध्यक्ष अमर देशमुख यांनी केले आहे.
आगामी नगरपालिका, जिल्हा परिषद व पंचायत समिती या स्थानिक स्वराज्य संस्था निवडणुकांमध्ये तरूणांना ५० टक्के संधी देण्याची राष्ट्रवादी काँग्रेस शरदचंद्र पवार पक्षाची भूमिका आहे. त्यामुळे या संदर्भात पक्षाच्या ३१ ऑक्टोबर २०२५ रोजी शहरातील राजस्थानी मंगल कार्यालय, अंबाजोगाई येथे सकाळी १० वाजता आयोजित करण्यात येणाऱ्या आढावा बैठकीत यावर चर्चा आणि विचारविनिमय करण्यात येणार आहे. आगामी स्थानिक स्वराज्य संस्था निवडणुकांमध्ये ५० टक्के तरूणांना संधी देण्याचे सूतोवाच राष्ट्रवादी काँग्रेस शरदचंद्र पवार साहेब यांनी नुकतेच सोमवारी केले आहे. स्थानिक स्वराज्य संस्था निवडणुकीच्या पार्श्वभूमीवर संघटनात्मक बांधणी आणि रणनीती ठरविण्यासाठी राष्ट्रवादी शप पक्षातर्फे शुक्रवारी बैठकीचे आयोजन करण्यात आले आहे. या बैठकीला बीड जिल्ह्याचे लोकप्रिय खासदार बजरंगबप्पा सोनवणे यांचे मार्गदर्शन लाभणार आहे. तर बैठकीच्या अध्यक्षस्थानी जिल्हाध्यक्ष राजेंद्र मस्के आणि यावेळी केज विधानसभा मतदारसंघाचे माजी आमदार पृथ्वीराज साठे, राजेसाहेब देशमुख आणि डॉ.नरेंद्र काळे या मान्यवरांची प्रमुख उपस्थिती लाभणार आहे. तरी स्थानिक स्वराज्य संस्था निवडणुक लढविण्यासाठी इच्छूक उमेदवारांनी, पक्षाचे पदाधिकारी व कार्यकर्ते यांनी आवर्जून उपस्थित रहावे असे आवाहन तालुकाध्यक्ष अमर देशमुख यांनी केले आहे.
====================
=======================
Post Views: 403
error: Content is protected !!
