संपूर्ण देशभरात संतोष देशमुख हत्येचे प्रकरण गाजत असतानाच परळी तालुक्यातील युवकाचा कर्नाटकात खून

बेळगाव

   संपूर्ण राज्य भरासह देशात केज तालुक्यातील संतोष देशमुख यांच्या हत्येचे प्रकरण गाजत असतानाच परळी तालुक्यातील अस्वलंबा येथील

ऊसतोडणी कामगार विकास बालासाहेब जोगदंड (वय २८) या युवकाचा त्याच्याच गावाच मुकादम असलेल्या श्रीकृष्ण विठ्ठल ढाकणे (वय ४७) याने कर्नाटकातील बेळगाव जिल्ह्यात असलेल्या गोकाक येथून जवळच असणाऱ्या घटप्रभा येथे घटप्रभा- हुक्केरी दरम्यान असणाऱ्या प्रख्यात दवाखान्याच्या आवारात तो झोपेत असताना डोक्यात दगड घालून खून केल्याची घटना समोर आली आहे.

   या विषयी मिळालेल्या माहिती नुसार मुकादम ढाकणे हा आजारी असल्याने त्यास विकास जोगदंड याने उपचारासाठी कर्नाटक मधील बेळगाव जिल्ह्यात घटप्रभा- हुक्केरी दरम्यान असणाऱ्या प्रख्यात दवाखान्यात आणले होते. 22 डिसेंम्बर रोजी ढाकणे यांना दवाखान्यात दाखल करून जोगदंड दवाखान्या बाहेर उभारण्यात आलेल्या जगद्गुरू गुरु सिद्धेश्वर मूर्ती जवळ रात्री साडे अकराच्या सुमारास झोपला होता.

   श्रीकृष्ण ढाकणे हा दवाखान्या बाहेर आला आणि काही कळायच्या आत विकास जोगदंडच्या डोक्यात चाळीस किलो पैक्षा मोठा दगड घातला.व छातीवर बसून दगडाने तोंड डोके ठेचू लागला हे पाहून दवाखान्याच्या सुरक्षा रक्षकाने ताबडतोब ढाकणे याला पकडले व घटप्रभा पोलिसांना माहिती दिली आणि ढाकणे याला पोलिसांच्या ताब्यात दिले. मृताचे वडील बालासाहेब मारुती जोगदंड यांनी घटप्रभा पोलिसांत फिर्याद दिली आसुन पोलिस निरीक्षक एच. डी. मुल्ला यांच्या मार्गदर्शनाखाली उपनिरीक्षक एस. आर. कणवी अधिक तपास करीत आहेत.’ दरम्यान, रात्री उशिरापर्यंत या खुनाचे कारण समजू शकले नाही. घटप्रभा पोलिस अधिक तपास करीत आहेत.