परळीत गावठी कट्टा घेऊन संशयित रित्या फिरणाऱ्या युवकास स्थानिक गुन्हे शाखेच्या पथकाने केले जेरबंद
(परळी) परळी येथील संभाजीनगर भागात अवैध गावठी गट्टा सोबत घेऊन संशयीत रित्या फिरणाऱ्या अजय गौतम साळवे या युवकास स्था.गु.शा.बीड च्या पथकाने जेरबंद केले आहे
मा.विशेष पोलीस महानिरीक्षक छ.संभाजीनगर परिक्षेत्र संभाजीनगर यांनी अवैध अग्निशस्त्र बाळगणारे इसमांविरुध्द कारवाई करण्याचे आदेश दिलेले आहेत. त्याअनुषंगाने मा.पोलीस अधीक्षक बीड यांनी पोलीस निरीक्षक स्थानिक गुन्हे शाखा बीड यांना कारवाई करण्याचे आदेश देवून मार्गदर्शन केले आहे.
पोलीस निरीक्षक श्री. उस्मान शेख, स्था.गु.शा.बीड यांनी वरिष्ठांचे आदेशान्वये अवैध अग्निशस्त्र बाळगणाऱ्या विरुध्द कारवाई करण्याचे आदेश दिले त्यावरुन दिनांक 10/09/2024 रोजी परळी शहरातील संभाजीनगर भागात स्थागुशा पथक गस्त घालत असतांना पोलीस हवालदार विष्णु सानप यांना गुप्त बातमी मिळाली की, इसम नामे अजय उर्फ लोमटया गौतम साळवे रा.फुलेनगर परळी वै. हा उडडाणपुलाखाली शिंदीखाना येथे गावठी कट्टा घेवुन फिरत आहे. अशी खात्रीशिर बातमी मिळाल्यावरुन सदरची माहिती मा.पोलीस निरीक्षक श्री. उस्मान शेख यांना कळवुन त्यांनी पोलीस पार्टीसह कारवाई करण्याचे आदेश दिले. त्यावरुन पोह/विष्णु सानप यांनी स्था.गु.शा.पथकासह बातमी ठिकाणी पाचारण होवून बातमी ठिकाणी सापळा लावला असता एक इसम संशयीत इसम मिळुन आला त्यास ताब्यात घेवुन विचारपुस केली असता त्याचे नाव अजय उर्फ लोमटया गौतम साळवे वय 24 वर्षे रा. फुलेनगर परळी वै. ता.परळी जि.बीड असे सांगितले व त्यांचे अंगझडती घेतली असता त्यांचे उजव्या बाजुला एक गावठी पिस्टल मॅग्झीन सह मिळुन आली असुन त्यामध्ये दोन जिवंत कारतुस असा एकुण 42,000/- रु मु्देमाल मिळुन आला असुन त्याचे विरुध्द पो.स्टे. संभाजीनगर येथे आर्म ॲक्ट प्रमाणे पोह विष्णु सानप यांचे फिर्याद वरुन गुन्हा नोंद करण्यात आला आहे.
सदरची कामगिरी मा.श्री. अविनाश बारगळ पोलीस अधीक्षक बीड, मा.श्री.सचिन पांडकर अपर पोलीस अधीक्षक, बीड, पो.नि. श्री. उस्मान शेख स्था.गु.शा.बीड यांचे मार्गदर्शनाखाली पोह/विष्णु सानप, मारुती कांबळे, विकास राठोड, बाळकृष्ण जायभाये, सचिन आंधळे व चालक पोह/नितीन वडमारे यांनी केली आहे.
