केज मध्ये कंटेनरने सात ते आठ वाहनाना धडक देऊन चिरडले, एक महिला ठार तर  20 ते 25 जण जखमी घटनास्थळाहून फरार झालेला कंटेनर  लोखंडी सावरगाव नजिक पलटी 

केज (प्रतिनिधी )

    बीड कडून भरधाव वेगात निघालेल्या  एका कंटेनरने सात ते आठ वाहनाना धडक देऊन चिरडल्याची व यात एक महिला ठार तर 20 ते 25 जण जखमी झाल्याची दुर्देवी घटना आज दुपारी केज मध्ये घडली असून घटनास्थळाहून फरार झालेला कंटेनर पुढे लोखंडी सावरगाव नजिक पलटी झाला आहे.

    याविषयी प्राप्त माहिती अशी की आज दुपारी तीन वाजण्याच्या सुमारास संभाजीनगर कडून भरधाव वेगात बीड, नेकनूर मार्गे केज मध्ये आलेल्या डीडी 01- झेड 97 71 क्रमांकाच्या कंटेनर ने सर्वप्रथम नेकनूर येथे काही जणांना चिरडले व त्यानंतर केज मधील हॉटेल अनिल पासून पुढे सात ते आठ वाहनांना चिरडत व पुढे काही वाहनांना फरपटत नेऊन सदर कंटेनर आंबेजोगाईच्या दिशेने फरार झाला प्राथमिक माहितीनुसार यामध्ये मीना घोडके राहणार चिंचोली माळी ही महिला जागीच  ठार तर 20 ते 25 जण जखमी झाले असून यातील युसुफ वडगाव पोलीस स्टेशनला नव्यानेच मुंबईहून दाखल झालेले पोलीस कॉन्स्टेबल सिद्धेश्वर शिंदे यांच्यासह बळीराम पांचाळ राहणार वय 40 राहणार दहिफळ, आशालता मुंडे वय 50 राहणार चारदरी, शेषेराव चंदनशिव वय 52 राहणार शिरपूर, फुलाबाई सावंत वय 60 राहणार सायगाव, श्रद्धा चिंचकर वय 25 राहणार येवता, बेबी देशमुख वय 58 राहणार बोरी सावरगाव, श्रीकृष्ण करपे वय 30 राहणार कापरवाडी, कुमार गायकवाड वय 40  राहणार देवगाव आदी

नऊ गंभीर जखमीला आंबेजोगाईच्या स्वामी रामानंद तीर्थ रुग्णालयात हलवण्यात आल्याचे वृत्त असून आज केज शहरात आठवडी बाजार असल्याने रस्त्यावर तोबा गर्दी असताना या दुर्घटनेत मोठा अनर्थ टळला आहे

   सदर कंटेनर अनेक वाहनांना धडक देऊन अंबाजोगाईकडे येत असताना वाटेत त्याने चंदन सावरगाव नजिक आणखी एका वाहन चालकास चिरडले असून या दुर्घटनेची माहिती मिळताच युसुफ वडगाव पोलीस स्टेशनच्या पोलीस कर्मचाऱ्यांनी केज रोडवर येऊन सदर कंटेनरचा पाठलाग सुरू केला असता हा कंटेनर लोखंडी सावरगाव येथे पलटी झाला असून केज पासून पाठलाग केलेल्या संतप्त जमावाने नंतर हा कंटेनर पेटवून दिला. या कंटेनरमध्ये मोठमोठी रेफ्रिजरेटर असल्याने भव्य असा स्फोट झाला असता मात्र या घटनेचे वृत्त समजतात अंबाजोगाई ग्रामीण पोलीस स्टेशनचे सहाय्यक पोलीस उपनिरीक्षक जगताप व अंबाजोगाई शहर पोलीस स्टेशनचे पोलीस उपनिरीक्षक घोडके व वाहतूक पोलीस त्रिंबक  फड यांनी घटनास्थळी धाव घेऊन अग्निशामक ची गाडी पाचारण करून सदर कंटेनर विजवण्यासाठी आटोकाट प्रयत्न केले असून कंटेनर चालकास अंबाजोगाई ग्रामीण पोलिसांनी ताब्यात घेतले लातूर येथील रहिवासी असलेल्या मुदतशीर सय्यद युसुफ हा कंटेनर चालक कंटेनर पलटी होताच स्वतःही जखमी झाला असून त्याला स्वा रा ती रुग्णालयात उपचारावर दाखल करण्यात आले आहे. प्राप्त माहितीनुसार सदर कंटेनर चालक हा तुफान नशेत असून केज व युसुफ वडगाव पोलीस अधिक तपास करत आहेत.