12 लाखांची बाईक अन् 70 हजारांच्या हेल्मेटचे तुकडे, उद्योजकाच्या मुलाचा अति वेगाने केला घात
12 लाखांची बाईक अन् 70 हजारांच्या हेल्मेटचे तुकडे, उद्योजकाच्या मुलाचा अति वेगाने केला घात
कोल्हापूर
दुचाकी आणि चारचाकी वाहनाची समोरासमोर धडक होऊन झालेल्या भीषण अपघातात कोल्हापूरमधील उद्योजकाच्या मुलाचा दुर्दैवी मृत्यू झाल्याची घटना आजरा-आंबोली मार्गावर घडली.12 लाखांची बाईक अन् डोक्यावर 70 हजारांचे हेल्मेट असतानाही त्याचा मृत्यू झाल्याने त्याच्या बाईक चा वेग किती होता याची कल्पना न केलेली बरी.
सिद्धेश विलास रेडेकर असे या मुलाचे नाव आहे. या दुर्दैवी घटनेने सर्वत्र हळहळ व्यक्त होत असून एकुलत्या एका मुलाच्या अपघाती मृत्यूने कुटुंबावर शोककळा पसरली आहे.
समोर आलेल्या माहितीनुसार, बाईक रायडींगसाठी गेलेल्या कोल्हापूरमधील उद्योजकाच्या मुलाचा अपघाती मृत्यू झाल्याची घटना समोर आली आहे. आंबोलीहून परत येताना देवर्डे माद्याळदरम्यानच्या धोकादायक वळणावर हा अपघात झाला. ज्यामध्ये सिद्धेश विलास रेडेकर याचा दुर्दैवी अंत झाला. हा अपघात इतका भयंकर होता की तरुणाच्या डोक्यावरील 70 हजारांच्या हेल्मेटचे अक्षरश: तुकडे झाले.
सिद्धेश हा कोल्हापूरमध्येच महाविद्यालयीन शिक्षण घेत होता. त्याला बाईक रायडिंगचे वेड होते. नेहमीप्रमाणे तो आंबोलीला रायडींगसाठी गेला होता. तिथून माघारी येत असताना आजरा ते आंबोली मार्गावर दुचाकी आणि चारचाकी वाहनाची समोरासमोर धडक होऊन हा अपघात झाला. आंबोलीहून परत येताना देवर्डे माद्याळदरम्यानच्या धोकादायक वळणावर झालेल्या अपघातात तो गंभीर जखमी झाला होता.
गडहिंग्लज येथील खासगी रुग्णालयात उपचार सुरु असताना सिद्धेशचा मृत्यू झाला. तब्बल 12 लाखांची गाडी आणि डोक्यावर घातलेले 70 हजारांचे हेल्मेटही तरुणाचा जीव वाचवू शकले नाही. या घटनेने मृत मुलाच्या कुटुंबियांवर दुःखाचा डोंगर कोसळला असून सर्वत्र हळहळ व्यक्त होत आहे. दरम्यान, या अपघातातील चारचाकी चालकावर गुन्हा दाखल करण्यात आला आहे.
