ताज्या घडामोडी

अंबाजोगाईत युवकावर तीक्ष्ण हत्याराने प्राणघातक हल्ला; उपचारा दरम्यान मृत्यू

अंबाजोगाईत जुन्या वादातून युवकावर तीक्ष्ण हत्याराने प्राणघातक हल्ला; उपचारा दरम्यान युवकाचा मृत्यू 

अंबाजोगाई :

अंबाजोगाई शहरातील गवळी पुरा भागातील राजकुमार करडे या युवकावर तीक्ष्ण हत्याराने प्राणघातक हल्ला झाल्या नंतर स्वा रा ती रुग्णालयात उपचारा दरम्यान त्याचा मृत्यू झाला.

बीड जिल्ह्यात दिवसागणिक गंभीर गुन्ह्यांच्या घटनांत वाढ होत आहे. अशातच अंबाजोगाईतून आणखी एक खळबळजनक घटना समोर आली आहे. शहरातील पोखरी रोडवर एका तरुणावर दोन तरुणांनी कोयतासदृष्य धारदार शस्त्रांनी सपासप वार करून त्यास गंभीर जखमी केले होते.  राजकुमार साहेबराव करडे (वय ३०, रा. गवळीपुरा, अंबाजोगाई) या हल्ल्यात जखमी झालेल्या युवकाचा उपचारा दरम्यान मृत्यू झाला.. सूत्रांनी दिलेल्या प्राथमिक माहितीनुसार ही घटना सकाळी ९ वाजताच्या सुमारास घडली. राजकुमार याच्यावर पोखरी रोडवरील सारडा नगरी जवळ दोन तरुणांनी धारदार शस्त्रांनी हल्ला केला. त्याच्या गळ्यावर, डोक्यात, पाठीवर सपासप वार करण्यात आले. या हल्ल्यात राजकुमार गंभीर जखमी झाला. त्याच्यावर स्वाराती रुग्णालयात उपचार सुरू असतानाच त्याचा मृत्यू झाला. दरम्यान, हा हल्ला जुन्या वादा मधून झाल्याचे समोर आले.

 

Leave a Reply

Your email address will not be published. Required fields are marked *

error: Content is protected !!