राज्यात लवकरच तब्बल १०,००० पोलिसांची भरती, तारीख आली समोर
राज्यात लवकरच तब्बल १०,००० पोलिसांची भरती, तारीख आली समोर
मुंबई
पोलीस भरतीसाठी तयारी करणाऱ्या तरुणांसाठी आनंदाची बातमी समोर आली असून आता राज्यात १० हजार पोलिसांची भरती केली जाणार आहे.
१५ सप्टेंबर २०२५ पासून ही पोलीस भरती केली जाणार आसून गृह विभागाने २०२४ व डिसेंबर २०२५ पर्यंतची रिक्त पोलिसांची पदे भरण्याची मान्यता दिली आहे.
गणेशोत्सवा नंतरच पोलिस भरतीची मैदानी चाचणी सुरु होणार आहे. साधारणपणे १५ सप्टेंबरनंतरच पोलिस भरतीची प्रक्रिया सुरु होईल, असं सांगण्यात येत आसून यंदा पोलिस भरतीमध्ये एकूण १० हजार पदे भरली जाणार आहे. ६ सप्टेंबरला गणपती विसर्जन होतील.त्यानंतर भरती प्रक्रिया राबवण्याचे नियोजन गृह विभागाने केलं आहे.
१० हजार पोलिस भरतीसाठी १२ ते १३ लाख अर्ज येऊ शकतात. उन्हाळ्यात तापमान जास्त असल्याने सध्या पोलिस भरती घेतली जाऊ शकणार नाही. पावसामुळे मैदानी चाचणी घेता येणार नाही. त्यामुळे सप्टेंबरमध्येच ही भरती घेण्यात येणार आहे. मागच्या वर्षी २०२४ मध्ये पोलिस भरतीच्या १७ हजार जागांसाठी १७ लाख अर्ज आले होते.. दरम्यान, आताही काही लाखांमध्ये अर्ज येण्याची शक्यता आहे.
पोलिस भरतीचे निकष
पोलीस भरतीमध्ये एका पदासाठी एकाच ठिकाणी अर्ज करायचे आहे. जर तुम्ही जास्त अर्ज भरले तर ते बाद करण्यात येईल. दोन ठिकाणी अर्ज केल्याबद्दल उमेदवाराला बाद ठरवण्यात येईल. जर एखादा उमेदवार दुसऱ्या जिल्ह्यात उपस्थित राहिला तर त्याला दोन ठिकाणी अर्ज केल्याबद्दल चाचणी देता येणार नाही. या भरतीसाठी ४ महिन्याचा कालावधी लागण्याची शक्यता आहे.
