संतोष देशमुख हत्येच्या वेळी मारेकऱ्यांनी केलेल्या कृत्याचे फोटो पाहून सर्वत्र संतापाची लाट
संतोष देशमुख हत्येच्या वेळी मारेकऱ्यांनी केलेल्या कृत्याचे फोटो पाहून सर्वत्र संतापाची लाट
जयराम चाटेने सरपंचांची पँट काढली तर घुलेची चेहऱ्यावरच लXX… ,
बीड (प्रतिनिधी)
केज तालुक्यातील मस्साजोगचे सरपंच संतोष देशमुख यांच्या हत्या प्रकरणात पोलिसांनी आरोपपत्र दाखल केल्यानंतर आरोपीनी ज्या क्रूर पद्धतीने हत्या केली त्या क्रूर कृत्याचे जे फोटो व्हायरल झाले ते पाहून सर्वत्र संतापाची लाट उसळली आहे.
संतोष देशमुख हत्या प्रकरणाच्या तपासात अनेक नवीन गोष्टी समोर येत आसुन संतोष देशमुख हत्या प्रकरणातील टोळी पुरती अडकणार असल्याचे दिसून येत आहे. पोलिसांनी वाल्मिक कराड आणि इतरांविरोधात एक, दोन नव्हे तर जवळपास 66 पुरावे जमवले आहेत. या चार्जशीटमध्ये पुरावे म्हणून हत्येच्या वेळची काही दृश्य, फोटो जोडली आहेत. यातून हत्येची क्रूरता दिसून येत आहे. वाल्मिक कराडच संतोष देशमुखांच्या हत्येचा मास्टरमाईंड असल्याचे समोर आले आहे. खंडणी, ॲट्रॉसिटी हत्या हे तिन्ही प्रकरण एकत्रित केले असून तिन्ही प्रकरण एकाच कारणातून घडल्याचा आरोप ही दोषारोप पत्रात करण्यात आला आहे. कट कुठे रचला याची माहिती आणि पुरावे सीआयडीच्या हाती लागले आहेत.
कोणाचही रक्त संचारेल असे 10 फोटो
- जनावराप्रमाणे मारहाण केल्यानंतर जयराम चाटेने संतोष देशमुखांची पँट काढली.
- त्यावेळी दुसरा आरोपी महेश केदार हा देशमुखांची पँट काढताना त्याचा सेल्फी घेत होता.
- अमानुष मारहाणीनंतर प्रतीक घुलेने देशमुखांच्या छातीवर दोन्ही बाजूला पाय टाकून चेहऱ्यावर लघवी करतोय
- मारहाणीनंतर संतोष घुले देशमुखांच्या शेजारी उभा राहून फोटो काढतो.
- जयराम चाटे देशमुखांच्या अंगावरचा शर्ट ओढून काढते आणि हातात धरून फिरवतो.
- मारेकरी लाथा, बुक्क्या, पाईप आणि वायरने देशमुखांना मारहण करतात तसेच शिवीगाळ करतात.
- वायरीसारख्या हत्याराचं बंडल देशमुखाच्या पाठीवर मारून वार केले
- संतोष देशमुख मोठ्याने ओरडत असताना महेश केदार त्याचा व्हिडीओ घेत होता
- सुदर्शन घुले हा सगळ्यांचा बाप आहे, असं देशमुखांना म्हणावं यासाठी जबरदस्ती केली जाते
- संतोष देशमुखांना फक्त अंतर्वस्त्रावर बसून पाठीवर पाईपने मारहाण केली जात होते.
फॉरेन्सिककडून व्हिडीओची तपासणी
संतोष देशमुख हत्याप्रकरणातील चार्जशीटमध्ये हे फोटो जोडण्यात आले आहे. आरोपी मारहाण करतानाचे कोणतेही फोटो आणि व्हिडीओ अद्याप समोर आलेले नाही. मात्र ते फोटो आणि दृश्य कोणती आणि काय होती? या संदर्भातील माहिती समोर आलेली आहे. कृष्णा आंधळेची मोकारपंती असा या व्हाट्सअॅप ग्रुपचं नाव होते. या ग्रुपमध्ये 5 ते 6 जणांनी संतोष देशमुख यांना कसं मारहाण होते हे पाहिले होते. फॉरेन्सिककडून हा व्हिडिओ सीआयडीला मिळाल्यानंतर त्याचे छोटे छोटे 10 ते 12 व्हिडिओ तयार झाले आणि त्यातूनच या व्हिडीओमधील व्यक्ती आणि सीआयडीने या प्रकरणात ताब्यात घेतलेली व्यक्ती यांची फॉरेन्सिक तपासणी झाली. या व्हिडिओतील काही फोटो हे या आरोपपत्रात जोडण्यात आले आहेत.
