प्रभु वैद्यनाथांच्या दर्शनानंतर धनंजय मुंडे यांनी जगमित्रवर भरवला जनता दरबार कार्यकर्त्यांच्या गाठी भेटी सुरू
प्रभु वैद्यनाथांच्या दर्शनानंतर धनंजय मुंडे यांनी जगमित्रवर भरवला जनता दरबार कार्यकर्त्यांच्या गाठी भेटी सुरू
परळी वैजनाथ (प्रतिनिधी
मुंबई वरून बुधवारी सकाळी परळीत दाखल झालेले राज्याचे अन्न व नागरी पुरवठा मंत्री धनंजय मुंडे यांनी गुरुवारी दुपारी एक वाजेच्या दरम्यान देशातील बारा ज्योतिर्लिंगापैकी एक असलेल्या श्री प्रभू वैद्यनाथांचे दर्शन घेऊन जनता दरबार भरवत गाठी भेटीला सुरवात केली.
मंत्री मा ना धनंजय मुंडे यांनी आपल्या जगमित्र कार्यालयात जनता दरबार भरविला आसून या ठिकाणी कार्यकर्त्यांच्या ते गाठीभेटी घेत आहेत. दरम्यान, वाल्मिक कराड यांच्यावर मोक्का लागल्या नंतर दोन दिवस परळी मध्ये उमटलेल्या पडसादा नंतर आज गुरुवारपासून शहरातील बाजारपेठ सुरळीत झाली आहे.
परळी पोलीस ठाण्यासमोर कराड नातेवाईकांनी आंदोलन करून चार समर्थक कार्यकर्त्यांनी आत्मदहनाचा प्रयत्न केला होता. तर बुधवारी पांगरी गावात कराड समर्थक यांनी मोबाईल टॉवरवर चढून आंदोलन केले. वाल्मीक कराडवरील खोटे गुन्हे मागे घ्या, या मागणीसाठी दोन दिवस परळी शहर बंद होते. तसेच परळी तालुक्यातील धर्मापुरी ,सीरसाळा येथेही बंद पुकारण्यात आला होता.
या पार्श्वभूमीवर मंत्री धनंजय मुंडे मुंबईहून तातडीने बुधवारी सकाळी परळीत दाखल झाले. आज त्यांनी एक वाजण्याच्या दरम्यान देशातील बारा ज्योतिर्लिंगापैकी एक असलेल्या श्री प्रभू वैद्यनाथांचे दर्शन घेऊन आशीर्वाद मागितले. त्या नंतर त्यांनी सर्व कार्यकर्त्यांना शांततेचे आवाहन केल्याचे कळते. आज गुरुवारपासून शहरातील बाजारपेठ सुरळीत झाली आसून धनंजय मुंडे यांनी आपल्या जगमित्र कार्यालयात जनता दरबार भरविला आहे या ठिकाणी कार्यकर्त्यांच्या गाठीभेटी घेऊन त्यात रमण्याचा प्रयत्न करत आहेत.
