*सा बां विभागाने अतिक्रमण काढताना पक्षपाती भूमिका केल्याचा स्थानिकांचा आरोप* 

सार्वजनिक बांधकाम विभागाने शहरातील अतिक्रमण काढताना पक्षपाती भूमिका केल्याचा स्थानिकांचा आरोप, रजिस्ट्री असलेल्याला नुकसान भरपाई देण्याची मागणी 

अंबाजोगाई (प्रतिनिधी)
सार्वजनिक बांधकाम विभागाच्या वतीने अंबाजोगाई शहरातील अतिक्रमण धारकावर दोन दिवस बुलडोजर चालवण्यात आल्याने दोन दोन मजली धारकांना इमारतीचे नुकसान सोसावे लागले दरम्यान ही अतिक्रमणे काढताना पथकाने पक्षपाती भुमीका केल्याचा आरोप स्थानिक नागरिक करत असून या वेळी ज्यांच्या घराच्या रजिस्ट्री आहेत त्यांनाही कुठलीही नुकसान भरपाई न देता त्यांची घरे पाडल्याचा त्यांचा आरोप आहे.

     केज मतदार संघाच्या आमदार सौ नमिताताई मुंदडा यांच्या प्रयत्ना मधून अंबाजोगाई शहरातील रस्त्या साठी कोटयावधी रुपयांचा फंड उपलब्ध झाल्या मुळे शहरातील रस्ते चकाचक झाले आहेत, होत आहेत मात्र शहरातील अतिक्रमणाची समस्या काही सुटता सुटायला तयार नाही. अंबाजोगाई शहरातील नगर परिषद व सार्वजनिक बांधकाम विभाग अंतर्गत येणारा एकही रस्ता असा नाही की ज्या रस्त्यावर अतिक्रमण नाही.
अंबाजोगाई नगर परिषदेच्या प्रभारी मुख्याधिकारी आय ए एस अर्पिता हुबे, स्वच्छता निरीक्षक अनंत वेडे सह सर्व न प च्या टीमने स्वतः रस्त्यावर उतरत 2 दिवस नगर परिषदेच्या मालकीच्या छत्रपती शिवाजी महाराज चौक, पोलीस स्टेशन समोरील व्यापारी संकुल या सह बस स्थानक ते पाटील चौक या रस्त्यावरील अतिक्रमणावर हातोडा उगारताच अतिक्रमण धारकांनी स्वतः हुन आपली अतिक्रमणे काढून घेतली.

      नगर परिषद हद्दी प्रमाणेच संत भगवान बाबा चौक ते छत्रपती शिवाजी महाराज चौक व पुढे सदर बाजार, दवाखाना, मोरेवाडी मार्गे यशवंतराव चव्हाण चौक, लातूर टी पॉईंट व छत्रपती शिवाजी महाराज चौक ते रमाबाई चौक ते यशवंतराव चव्हाण चौक या प्रमुख रस्त्यावर नव्याने बांधलेल्या नाल्यावरील अतिक्रमणा सह रस्त्यावर मोठ्या प्रमाणावर आतिक्रमणे झाली असून छत्रपती शिवाजी महाराज चौक ते स्वा रा ती रुग्णालय मार्गे यशवंतराव चव्हाण चौक या रस्त्यावरील रस्त्याच्या मध्या पासून दोन्ही बाजूची 50 फुटाच्या आतील सर्व अतिक्रमणे दोन दिवसा पूर्वी काढून घेण्यात आली.

    या वेळी अतिक्रमण धारकावर दोन दिवस बुलडोजर चालवण्यात आल्याने दोन दोन मजली धारकांना इमारतीचे नुकसान सोसावे लागले दरम्यान ही अतिक्रमणे काढताना पथकाने पक्षपाती भुमीका केल्याचा आरोप स्थानिक नागरिक करत असून या रस्त्यावर अनेक गोरगरीब नागरिकांच्या घराच्या रजिस्ट्री आहेत त्यांनाही झोपेत धोंडा घातल्या प्रमाणे कुठलीही नुकसान भरपाई न देता त्यांची घरे पाडण्यात आली त्यामुळे त्यांना उघड्यावर यावे लागले आसून आशा सर्व रजिस्ट्री धारकांना नुकसानभरपाई द्यावी अशी मागणी स्थानिक नागरिक करत आहेत.

*नुकसान टाळण्यासाठी फिरते पथक आवश्यक*

    आज पर्यतच्या अनुभवा नुसार आज अतिक्रमणे काढली की परत आठ दिवसात परस्थिती जैसे थे होते. पुन्हा ज्या वेळी ती काढली जातात त्या वेळी अतिक्रमण धारकांचे ही मोठया प्रमानावावर नुकसान होते. त्यामुळे हे नुकसान टाळण्यासाठी सार्वजनिक बांधकाम विभाग, नगर परिषद, महसूल विभाग व पोलीस प्रशासन यांनी ईतर शहरा प्रमाणे कायम स्वरूपी एक फिरते पथक निर्माण करावे अशी जनते मधून मागणी होत आहे.

दत्तात्रय आंबेकर ९४२२९३१४२१