बीड जिल्ह्यात राख वाहतूक करणाऱ्या टिप्परने घेतला आणखी एका सरपंचाचा जीव दुचाकीचा चुराडा
बीड जिल्ह्यात राख वाहतूक करणाऱ्या टिप्परने घेतला आणखी एका सरपंचाचा जीव दुचाकीचा चुराडा
परळी (प्रतिनिधी)
सरपंच संतोष देशमुख यांच्या हत्ये नंतर परळी मधील गुन्हेगारी देशभरात चर्चेत आल्या नंतर आणि यात भंगार, वाळू, राखेच्या तस्करीचा विषय आ सुरेश धस यांनी लावून धरलेला असताना काल रात्री पुन्हा बीड जिल्ह्यातील परळी नजीक मिरवट फाट्या नजीक राखेची वाहतूक करणाऱ्या आणखी एका टिप्पर ने एका सरपंचाला उडवले असून हा घात आहे की अपघात या विषयी तर्क वितर्क केल्या जात आहे.
परळी तालुक्यातील मिरवट फाट्यावर झालेल्या या अपघातात सौंदना येथील सरपंच अभिमन्यू क्षीरसागर यांचा जागीच मृत्यू झाला आसून अपघातात दुचाकीचा चुराडा झाला आहे. घटनेची माहिती मिळताच परळी ग्रामिण पोलीस घटनास्थळी दाखल झाले. या अपघात प्रकरणी चालकाला पकडण्यात आले आहे.
दरम्यान हा अपघात राखेच्या टिप्पर ने झाल्या मुळें आणि अपघातात पुन्हा एका सरपंचाला जीव गमवावा लागल्याने सध्याच्या गरम वातावरणात हा विषय पुन्हा चर्चेत येणार यात काही शंका राहिलेली नाही.
