एसटी बस मध्ये जागेवर बसण्याच्या वादाचे पडसाद तुफान राड्यात वाहक चालकासह 2 जण जखमी
एसटी बस मध्ये जागेवर बसण्याच्या वादाचे पडसाद तुफान राड्यात वाहक चालकासह 2 जण जखमी
गंगाखेड (प्रतिनिधी)
परभणीहून लातूरकडे जाणाऱ्या एसटी बस मध्ये जागेवर बसण्याच्या वादाचे पडसाद तुफान राड्यात होऊन यात एका प्रवाशाच्या संतप्त नातेवाईकांनी एस टी बस च्या काचा फोडून नुकसान केले असून यात वाहक चालकासह 2 जण जखमी आहेत.
काल रात्री परभणीहून लातूरकडे निघालेल्या (एमएच २४ एयू ७७२०) या एसटीमध्ये परभणी-गंगाखेड दरम्यान रात्री नऊ वाजन्याच्या दरम्यान एस टी मधील दोन प्रवाशांमध्ये जागेवर बसण्यावरून वाद सुरू झाला. त्यातील एका प्रवाशाने गंगाखेडमधील नातेवाईकांना दूरध्वनीद्वारे कळवित मदतीस पाचारण केले. गंगाखेड शहरातील महाराणा प्रताप चौक (परळी नाका) येथे एसटी बसचा अधिकृत थांबा आहे. या ठिकाणी बस थांबताच संबंधित मदत मागणाऱ्या प्रवाशाच्या नातेवाईकांनी अचानक एसटीवर हल्ला चढवत चालक-वाहकावर दबावतंत्र वापरत जबरदस्तीने एसटीमध्ये घुसून वाद झालेल्या प्रवाशाला मारहाण केली. यामुळे बसमधील अन्य प्रवाशी घाबरून सैरावैरा पळू लागले. शहराच्या मुख्य चौकात घडलेल्या घटनेमुळे गर्दी जमली. घटनेचे वृत्त कळताच पोलीस अधिकारी, कर्मचाऱ्यांनी घटनास्थळी धाव घेत जमावास पांगवून बस पोलीस ठाण्यात रवाना केली.
या घटनेमध्ये बसच्या प्रवेशद्वाराचे मोठे नुकसान झाले. संपूर्ण घटनेत दोन प्रवासी जखमी झाले आहेत. रात्री ९:२५ वाजता गंगाखेड ठाण्यात वाहक- चालकाच्या तक्रारीवरून गुन्हा नोंद करण्याची प्रक्रिया सुरू होती.
