*राष्ट्रीय मौखिक आरोग्य अभियानांतर्गत स्वामी विवेकानंद इंग्लिश स्कुल मधील 450 विद्यार्थ्यांची मौखीक दंत तपासणी*

केज (प्रतिनिधी)

   केज येथील उपजिल्हा रुग्णालयाचे  वैद्यकीय अधीक्षक डॉ. दत्तात्रय केंद्रे यांच्या मार्गदर्शनाखाली राष्ट्रीय मौखिक आरोग्य अभियानांतर्गत स्वामी विवेकानंद इंग्लिश स्कुल मधील 450

विद्यार्थ्यांची मौखीक दंत तपासणी करण्यात आली.

    दिनांक 27 सप्टेंबर 2024 रोजी केज येथील उपजिल्हा रुग्णालयाचे  वैद्यकीय अधीक्षक डॉ. दत्तात्रय केंद्रे यांच्या मार्गदर्शनाखाली राष्ट्रीय मौखिक आरोग्य अभियानांतर्गत उपजिल्हा रुग्णालयाचे दंतशल्य चिकित्सक डॉ. रमण दळवी यांनी स्वतः स्वामी विवेकानंद इंग्लिश स्कूल केज येथे जाऊन उपस्थित अंदाजे 450 पेक्षा जास्त विद्यार्थ्यांची मौखिक दंत तपासणी केली. या वेळी डॉ रमण दळवी यांनी उपस्थित विद्यार्थ्यांना दोन वेळा ब्रश करण्याचे महत्त्व, चॉकलेट जंक फूड इत्यादींचे दुष्परिणाम ही समजावून सांगितले.

    दैनंदिन आरोग्य व समतोल आहार याचे महत्त्व समुपदेशक श्रीमती सीता गिरी यांनी विद्यार्थ्यांना समजावून सांगितले. यावेळी शाळेचे मुख्याध्यापक श्री गणेश कोकीळ सर व सर्व शिक्षक वृंद यांनी शिबिराच्या आयोजनासाठी विशेष सहकार्य केले.

             मोठ्या प्रमाणात होत असलेल्या अशा पद्धतीच्या दंत तपासणी शिबिरामुळे शिक्षक, पालक व विद्यार्थी वर्ग समाधान व्यक्त करत आहे.