*परभणी येथील सोमनाथ सूर्यवंशी मृत्यू प्रकरणी पुकारलेल्या अंबाजोगाई बंदला उत्स्फूर्त प्रतिसाद*

परभणी(प्रतिनिधी)

   परभणी येथील दंगल प्रकरणी अटक करण्यात आलेल्या आरोपी पैकी सोमनाथ सूर्यवंशी या युवकाचा न्यायालयीन कोठडीत मृत्यू झाल्या नंतर राज्यभरात संतप्त वातावरण निर्माण झाले असून या प्रकरणी आयोजित अंबाजोगाई बंदला उत्स्फूर्त प्रतिसाद मिळाला.

    परभणी शहरातील डॉ बाबासाहेब आंबेडकर यांच्या पुतळ्याच्या परिसरात असलेल्या संविधानाच्या प्रतिकृतीची एका समाज कंटकांने दोन दिवसा पूर्वी विटंबना केल्या नंतर या घटनेची माहिती मिळताच आंबेडकरी अनुयायी संतप्त झाले या घटनेच्या निषेधार्थ परभणी येथे पर्वा दिवशीच रास्ता रोको, रेल रोको व किरकोळ दगडफेकीचे प्रकार घडले होते. काल पुन्हा परभणी बंदची हाक देण्यात आली होती. शहरात कडकडीत बंद पाळण्यात येत होता. या पार्श्वभूमीवर चोख पोलीस बंदोबस्त ठेवण्यात आलेला होता. या प्रकरणी जिल्हाधिकारी यांना निवेदन देण्यासाठी निघालेल्या डॉ आंबेडकर अनुयायी  महिला व पुरुष यांनी रस्त्या मधेच  दुकानावर दगडफेक, वाहनावर दगडफेक व जाळपोळ सुरू केली. रस्त्यावर टायर जाळण्यात आले. या वेळी पोलिसांनी जमावास समजावून सांगण्याचा प्रयत्न केला. मात्र जमाव एवढा संतप्त होता की, जमावाने पोलिसांवर ही दगडफेक सुरू केली, पोलीस व्हॅनवर दगडफेक करण्यात आली.

    जमाव एवढ्यावर ही थांबला नाही त्याने थेट जिल्हाधिकारी कार्यालयात घुसून आतील फर्निचरची मोडतोड केली. जिल्हाधिकारी महोदयांच्या टेबल वरील फाईल आणि महत्वाची कागदपत्रे फेकून दिले.

     या प्रकरणी परभणी पोलिसांनी बळाचा वापर करून दंगल आटोक्यात आणली आणि 50 जनाला अटक करून गुन्हे दाखल केले.

     अटक करण्यात आलेल्या आरोपी पैकी सोमनाथ सूर्यवंशी या युवकाचा  आज न्यायालयीन कोठडीत मृत्यू झाल्याची धक्कादायक माहिती समोर आल्याने परभणी सह राज्यभरात

पुन्हा वातावरण तणावपूर्ण झाले असून

या प्रकरणी अंबाजोगाई शहर बंदची हाक देण्यात आली होती या बंदला उत्स्फूर्त प्रतिसाद मिळाला.

     या संदर्भात देण्यात आलेल्या निवेदनावर गोविंद मस्के, ऍड विलास लोखंडे, ऍड एस व्ही वाघमारे, मा आ पृथ्वीराज साठे, भीमराव सरवदे, सुनील गायकवाड, अमर वाव्हळे, राजेश वाव्हळे, अमोल पौळे यांच्या सह असंख्य कार्यकर्त्यांच्या स्वाक्षऱ्या आहेत.