*इंडीयन मेडीकल असोसिएशनच्या दोन राज्यस्तरीय पुरस्कारांनी सुप्रसिद्ध मानसोपचार तज्ज्ञ डॉ.राजेश इंगोले सन्मानित**

 

================
अंबाजोगाई (प्रतिनिधी)
इंडीयन मेडीकल असोसिएशनच्या वतीने दिला जाणारा व अत्यंत प्रतिष्ठेच्या अशा राज्यस्तरीय डॉ.सुरेश नाडकर्णी व आय.एम.ए.एम.एस प्रेसिडेंट ऍप्रेंसिएशन अवॉर्डस फॉर बेस्ट कल्चरल ऍक्टिव्हिटी या पुरस्काराने येथील सुप्रसिद्ध मानसोपचार तज्ज्ञ डॉ.राजेश इंगोले यांना नुकतेच ठाणे येथे संपन्न झालेल्या आय.एम.एच्या मॅस्टेकॉन परिषदेत सन्मानित करण्यात आले. डॉ सुरेश नाडकर्णी हा अत्यंत प्रतिष्ठेचा बहुमान तीन वेळा प्राप्त करणारे डॉ.इंगोले हे महाराष्ट्रातील पहिलेच डाॅक्टर ठरले आहेत. हे विशेष उल्लेखनीय आहे.

तसेच सांस्कृतिक समितीचा महाराष्ट्र राज्याचे अध्यक्षपद भूषवितांना त्यांनी संपूर्ण महाराष्ट्रातील डॉक्टर्ससाठी विविध सांस्कृतिक स्पर्धांचे आयोजन केले होते. त्यांच्या अध्यक्षतेखाली त्यांनी पुणे येथे साहित्यिक डॉक्टर्ससाठी पहिल्यांदाच ‘शब्दशारदा साहित्य संमेलन’ भरवले होते. तसेच त्यांनी गायन स्पर्धा, नृत्य स्पर्धा, रिल्स स्पर्धा,चित्रकला स्पर्धा,नाट्य स्पर्धा, फोटोग्राफी स्पर्धा, अशा विविध प्रकारच्या स्पर्धांचे आयोजन करून महाराष्ट्रातील सर्व डॉक्टर्स साठी एक सशक्त व्यासपीठ निर्माण करून वैद्यकीय क्षेत्रात सांस्कृतीक चळवळ गतिमान केली. त्यांच्या या उल्लेखनिय कामगिरीबद्दल त्यांना इंडीयन मेडिकल असोसिएशनच्या राज्यकार्यकरनी तर्फे वरील दोन्ही पुरस्कार देऊन गौरविण्यात आले. त्यांच्या या अभिनमानस्पद कामगिरीबद्दल त्यांचे सर्वस्तरांतून स्वागत व अभिनंदन होत आहे. या पुरस्कारांबद्दल आमच्या प्रतिनिधीशी बोलतांना डॉ.राजेश इंगोले यांनी सांगितले की, इंडीयन मेडीकल असोसिएशनचा अत्यंत प्रतिष्ठेचा मानला जाणारा राज्यस्तरीय डॉ.सुरेश नाडकर्णी या पुरस्काराने मला यावर्षी ही राष्ट्रीय वैद्यकीय परिषदेत नुकतेच सन्मानित करण्यात आले. मला हा पुरस्कार तिसऱ्यावेळी प्राप्त झाला आहे. याचे श्रेय मला नेहमीच तोलामोलाची साथ व सहकार्य देणारे डॉ.सिद्धेश्वर बिराजदार, डॉ.विजय लाड, डॉ.बळीराम मुंडे, डॉ.योगेश मुळे, डॉ.नवनाथ घुगे, डॉ.श्रीनिवास रेड्डी यांच्यासह जेष्ठ मार्गदर्शक डॉ.सुधीर देशमुख, डॉ.दिलीप खेडगीकर, डॉ.एन.पी.देशपांडे, डॉ.उत्तम निसाले, डॉ.शैलेश वैद्य, यांच्यासह सर्व आयएमएच्या जेष्ठ आणि श्रेष्ठ साथीदारांचे आहे. हा पुरस्कार मी त्यांना समर्पित करतो. सांस्कृतीक समितीचा सर्वोत्कृष्ट समिती अध्यक्ष पुरस्कार या कार्यात मला साथ देणाऱ्या सांस्कृतीक समिती सदस्य डॉ.गीतांजली शर्मा, डॉ.तुकाराम मुंढे, डॉ.मोहिनी गानू, डॉ.वृंदा कुलकर्णी, डॉ.राजश्री सावंत, डॉ.माया भालेराव, डॉ.प्रज्ञा किनगावकर, डॉ.प्रफुल्ल जटाळे, डॉ.राजन जोशी, डॉ.वैष्णवी पाटील, डॉ.पल्लवी दोडके, डॉ.सारंग दराडे यांना समर्पित करतो. आयएमए अंबाजोगाई शाखेचा अध्यक्ष झाल्यावर इंडीयन मेडीकल असोसिएशनचे दोनदा बेस्ट प्रेसिडेंट, दोनदा बेस्ट ब्रँचचा, एकदा बेस्ट सोशिअल सेक्युरिटी मेंबर्स ड्राईव्ह आणि दोनवेळा डॉ.सुरेश नाडकर्णी हे पुरस्कार मिळाले आहेत. हे यश माझ्या विविध संकल्पनांना मूर्त स्वरूप देणाऱ्या सर्व साथीदारांचे आहेत त्यांचे मनःपूर्वक आभार. असेच कार्य पुढे करीत राहील अशी आपणांस ग्वाही देतो. असे प्रतिपादन सुप्रसिद्ध मानसोपचार तज्ज्ञ डॉ.राजेश इंगोले यांनी केले. पुरस्कार वितरणाचा शानदार भव्य कार्यक्रम ठाणे येथे डॉ.काशिनाथ घाणेकर नाट्यगृहात संपन्न झाला. हा पुरस्कार इंडीयन मेडीकल असोसिएशनचे राष्ट्रीय अध्यक्ष डॉ.टी.असोकन, राष्ट्रीय सचिव डॉ.अनिल कुमार नायक, महाराष्ट्र मेडिकल असोसिएशनचे प्रशासकीय अधिकारी डॉ विकी रूघवणी, माजी अध्यक्ष डॉ.अग्रवाल, राज्याध्यक्ष डॉ.दिनेश ठाकरे, राज्यसचिव डॉ.सौरभ संजनवाला यांच्या हस्ते नवनिर्वाचित अध्यक्ष डॉ.संतोष कदम ,डॉ.रवींद्र कुटे, डॉ.रामकृष्ण लोंढे, डॉ.संतोष कुलकर्णी यांच्या प्रमुख उपस्थितीत प्रदान करण्यात आला. मिळालेल्या पदाला झोकून देऊन कार्य करण्याची डॉ.राजेश इंगोले यांची शैली त्या पदाला वेगळ्या उंचीवर नेऊन ठेवते. तसेच त्या पदाला वलय प्राप्त करून देतेव त्या पदाला डॉ.इंगोले योग्य न्याय देतात असे मत राष्ट्रीय सचिव डॉ.अनिलकुमार जे नायक तसेच सर्व राज्याच्या पदाधिकाऱ्यांनी आपल्या मनोगतात व्यक्त केले.

=======================
=======================

दत्तात्रय आंबेकर ९४२२९३१४२१