*आ.नमिता मुंदडा यांनी केज मतदारसंघात खेचून आणला सर्वाधिक निधी ; झाली अनेक विकासकामे_*
=======================
अंबाजोगाई (प्रतिनिधी)
आ.नमिता मुंदडा यांनी केज मतदारसंघ विकासाच्या बाबतीत नांवारूपास आणला. एवढेच नव्हे तर सातत्यपूर्ण कामगिरीमुळे अग्रेसर ठेवला आहे. केज मतदारसंघात सर्वाधिक निधी खेचून आणला. ज्यातून अनेक विकासकामे पूर्ण झाली. व अनेक विकासकामे प्रगतीपथावर आहेत.
केजच्या आमदार नमिता मुंदडा यांना भाजपकडून पुन्हा एकदा उमेदवारी मिळाली. त्याचे प्रमुख कारण म्हणजे त्यांनी केज मतदारसंघात केलेली विकासाची अनेक कामे, विकासप्रिय आमदार म्हणून त्या जनतेत प्रचंड लोकप्रिय झाल्या आहेत. मागील पाच वर्षांमध्ये त्यांनी मतदारसंघातील विकास कामांसाठी सुमारे दोन हजार कोटी रूपयांचा निधी खेचून आणला. यामधून लोकांसाठी मूलभूत सोयी सुविधा उपलब्ध झाल्या असून, मतदार संघात सर्वाधिक निधी आणणाऱ्या आमदारांच्या यादीमध्ये त्यांचा वरचा क्रमांक लागतो. बीड मधील सहा विधानसभा मतदारसंघापैकी केज हा अनुसूचित जातीसाठी राखीव असलेला मतदारसंघ आहे. सध्या या मतदारसंघाचे लोकप्रतिनिधित्व आमदार नमिता मुंदडा या करतात. गेल्या पाच वर्षांमध्ये नमिता मुंदडा यांनी नवीन असूनही मतदार संघासाठी सुमारे दोन हजार कोटी रुपयांचा निधी विकास कामांसाठी आणला आहे. लोकांच्या आरोग्याची व्यवस्था असेल, रस्त्यांची व्यवस्था असेल, वीज, पाणी याची व्यवस्था असेल या मूलभूत बाबींचा विकास त्यांच्या माध्यमातून झाला आहे. मेडिकल कॉलेजच्या बांधकामासह इतर मशिनरीसाठी त्यांनी मोठा निधी उपलब्ध करून दिला. अंबाजोगाई येथे असलेल्या या मेडिकल कॉलेज आणि हॉस्पिटल परिसरातील जनतेचे आरोग्य अवलंबून आहे. त्यामुळे याचा विकास होणे आवश्यक असल्याने यासाठी आमदार नमिता मुंदडा यांनी प्रयत्न केले आणि या विभागाचा विकास होणे आवश्यक होते तो भाग विकसित केला. याशिवाय मतदारसंघातील रस्ते सुरक्षित करण्यासाठी आणि ते विस्तारित करण्यासाठी नमिता मुंदडा यांनी मोठा निधी उपलब्ध करून दिला. अंबाजोगाईतील अंतर्गत रस्ते, केज शहरातील अंतर्गत रस्ते यासाठी वेगळा निधी उपलब्ध करून रस्त्यांचा विकास करून घेतला. मतदारसंघात असलेल्या दोन्ही तालुक्यातील ग्रामीण भागासाठी रस्ते अत्यंत महत्त्वाची होती या महत्त्वाच्या रस्त्यांसाठी निधी उपलब्ध झाल्याने आज हे रस्ते चांगल्या पद्धतीने लोकांसाठी रहदारीसाठी उपलब्ध आहेत. या शिवाय न्यायालयाची इमारत, इतर शासकीय इमारतीची कामे यासाठीही निधी उपलब्ध करण्यात आला. नमिता मुंदडा यांनी इतरांसारखी नुसतीच आश्वासने न देता थेट विकास कामे केली आहेत. सुरूवातीच्या काही वर्षांमध्ये त्या विरोधी पक्षात होत्या, त्यावेळी सुद्धा त्यांनी निधी उपलब्ध केला. मात्र सत्तेत आल्यानंतर या निधीमध्ये आणखी वाढ झाली आणि विकास कामांची गती वाढली. याकामी त्यांना लोकप्रिय नेत्या आ.पंकजाताई मुंडे, माजी खासदार डॉ.प्रीतमताई मुंडे यांचा आशीर्वाद आणि ज्येष्ठ नेते नंदकिशोर मुंदडा, युवा नेते अक्षय मुंदडा यांचे मार्गदर्शन व जनतेचे सातत्यपूर्ण सहकार्य लाभत आहे. मतदारसंघातील लोकांच्या विकास कामांसोबतच त्यांच्या वैयक्तिक अडी अडचणीला मदत करणे अशी त्यांच्या कामाची पद्धत असल्याने त्या लोकप्रिय आमदार झाल्या आहेत. त्यांची लोकप्रियता बघूनच भाजपने त्यांचा उमेदवारांच्या पहिल्याच यादीत समावेश केला आणि अधिकृतपणे त्यांच्या नांवाची उमेदवार म्हणून घोषणा केली. जिल्ह्यामधून त्या पहिल्याच अशा उमेदवार आहेत ज्यांची अधिकृत घोषणा झाली आहे. यंदाच्या निवडणुकीतही त्या बाजी मारतील कारण, त्यांच्यापेक्षा त्यांची विकास कामेच बोलत आहेत. तसेच त्यांना सर्वसामान्य जनतेमधून पुन्हा आमदार नमिता मुंदडाच होणार असल्याचे सर्वत्र बोलले जात आहे.
*अंबाजोगाईत डोअर-टू-डोअर प्रचार :*
प्रभाग क्रमांक १० मध्ये गवळीपुरा व गांधीनगर येथून आमदार सौ.नमिता अक्षय मुंदडा यांच्या विजयासाठी अहेमद पप्पूवाले, मस्के भैय्या, कांबळे अंकल, अक्षय शिंदे, प्रताप देवकर यांच्यासह अनेक भाजपा पदाधिकारी व कार्यकर्ते यांनी डोअर-टू-डोअर प्रचार केला. यावेळी प्रभाग क्रमांक १० मध्ये मतदार बंधू – भगिनी यांनी उत्स्फूर्त प्रतिसाद दिला.
=======================
=======================
