बीडचे जिल्हाधिकारी अविनाश पाठक व तहसीलदार विलास तरंगे यांच्या हस्ते घटस्थापना होऊन योगेश्वरी देवीच्या शारदीय नवरात्र उत्सवाची सुरुवात

बीडचे जिल्हाधिकारी अविनाश पाठक व तहसीलदार विलास तरंगे यांच्या हस्ते

घटस्थापना होऊन योगेश्वरी देवीच्या शारदीय नवरात्र उत्सवाची सुरुवात

अंबाजोगाई (प्रतिनिधी)

    महाराष्ट्राचे शक्तिपीठ व लाखो भाविकांचे श्रद्धास्थान असलेल्या अंबाजोगाई येथील योगेश्वरी देवीच्या शारदीय नवरात्र उत्सवाची सुरवात  जिल्हाधिकारी अविनाश पाठक व तहसीलदार विलास तरंगे यांच्या हस्ते मान्यवरांच्या उपस्थितीत घटस्थापना होऊन करण्यात आली.

    या प्रसंगी देवल कमेटीचे सचिव अशोक लोमटे, उपाध्यक्ष राजकिशोर मोदी, कोषाध्यक्ष शिरीष पांडे, सह सचिव संजय भोसले, पृथ्वीराज साठे, अमोल लोमटे, कदम, हंसराज देशमुख, दामा, आदी सर्व सदस्या सह देवस्थानचे पुजारी सारंग पुजारी यांची उपस्थिती होती.

    या नवरात्र उत्सवात दिव्यांगांसह व आजारी भाविक भक्तांना व्हीलचेअरवर बसून थेट योगेश्वरीचे दर्शन घेता येणार आहे. मंदिरात पुरुष भाविकांना पंधरा मिनिटांत तर महिला भाविकांना अर्ध्या तासात दर्शन घेता येणार आहे.योगेश्वरी देवीच्या ऑनलाइन दर्शनाची व्यवस्था झाली असून त्यास भाविकांचा मोठा प्रतिसाद मिळेल

अंबाजोगाई येथील योगेश्वरी देवीच्या मंदिरात नवरात्रोत्सवाच्या काळात पथदिव्यांची व्यवस्था करण्यात आली आहे.मंदिरात दर्शनासाठी येणाऱ्या महिला व पुरुषांसाठी वेगवेगळ्या रांगा असणार आहेत. भाविकांच्या सुरक्षेसाठी मंदिर परिसरात एकूण ५२ सीसीटीव्ही कॅमेरे यंदा बसवण्यात आले असून, दररोज सकाळी नऊ ते रात्री नऊ या वेळेत एकूण १८ महिला व पुरुष सुरक्षा रक्षक तैनात करण्यात आले आहेत. योगेश्वरी देवीच्या सुरक्षिततेच्या दृष्टीने पोलिस बंदोबस्तही असणार आहे.मंदिरात दर्शनासाठी येणाऱ्या भाविकांसाठी प्रथमोपचार व वैद्यकीय सेवा उपलब्ध करण्यात आली आहे. भक्तांसाठी दुपारी १२ ते २ या वेळेत महाप्रसादाची व्यवस्था करण्यात आली आहे.

पुरुषांना १५ मिनिटे, तर महिलांना अर्ध्या तासात मिळेल दर्शन पहाटे ४ ते रात्री ११ पर्यंत दर्शन योगेश्वरी देवीच्या मंदिरात नवरात्रोत्सवाच्या निमित्ताने यंदा संगीत भजन,गायन कीर्तन, जगदंबेचा गोंधळ अशा विविध कार्यक्रमांचे आयोजन करण्यात आले आहे.

दररोज पहाटे ४ ते रात्री ११ वाजेपर्यंत भाविकांना योगेश्वरी देवीचे थेट दर्शन घेता येणार आहे.भाविकांना सकाळी ६ वाजेपर्यंत देवीस अभिषेक करता येईल असे योगेश्वरी देवी मंदीर विश्वस्त मंडळाच्या वतीने सांगण्यात आले आहे.