एकेकाळचा अंबाजोगाई शहराचा सांस्कृतीक वारसा दिवसेंदिवस लोप पावत चालला
*गणेशोत्सवाच्या काळात ही जागा भव्य दिव्य गणेश मुर्ती, कर्कश्य आवाजाच्या डीजे आणि गणेश मूर्ती समोर निघणाऱ्या केटीने घेतली.*
अंबाजोगाई (प्रतिनिधी)
एकेकाळचा अंबाजोगाई शहराचा सांस्कृतीक वारसा दिवसेंदिवस लोप पावत चालला असून गणेशोत्सवाच्या काळात ही जागा भव्य दिव्य गणेश मुर्ती, कर्कश्य आवाजाच्या डीजे आणि गणेश मूर्ती समोर निघणाऱ्या केटीने घेतल्याचे दिसून येत आहे.
विविध दैवदेवतांनी पावन झालेली अंबाजोगाई ही एकेकाळची शैक्षणिक, सांस्कृतिक नगरी अनेक कलावंत या माती मधून नावा रुपाला आले. त्यांनी अंबाजोगाईचे नांव देश विदेशात नेऊन पोचवले, हा वारसा जतन करण्यासाठी सर्व शाळा महाविद्यालयात विद्यार्थ्यांना तशा प्रकारचे शिक्षण दिल्या जात असे, यातून विद्यार्थी स्वतः गायके, स्वतः वाद्य वाजवायचे, गणेशोत्सवाच्या काळात लहान मुलांच्या कला गुणांना वाव मिळावा या साठी मेळे असायचे, सर्व गणेश मंडळा समोर त्यांचं सादरीकरण असायचं.
मात्र आज दिवसेंदिवस परिस्थिती बदलत चालली असुन या शहराचा ना शैक्षणिक वारसा शिल्लक राहिला आहे ना सांस्कृतिक वारसा. शाळा महाविद्यालयात विद्यार्थ्यांचे उपजत कला गुण जोपासण्या साठी कुठल्याही प्रकारचे प्रयत्न होताना दिसत नाहीत. शहर परिसराच्या मातीचा दोष म्हणा की काहीही म्हणा मात्र येथील महाविद्यालये गुंडाचे अड्डे बनू पहात आहेत. त्या मुळे येथील वातावरण दूषित होताना दिसत आहे.
आज गणेशोत्सव सुरू आहे, एकेकाळी सांस्कृतिक कार्यक्रमाची रेलचेल असलेल्या या शहरात एकही सांस्कृतिक कार्यक्रम ना स्थानिक कलावंताचा आहे ना बाहेरील कलावांचा आहे. शहरातील गणेश मंडळात स्पर्धा लागली आहे ती फक्त गणेशमूर्ती कोण किती मोठी आणतो, गणेशा समोर कोण किती कर्कश्य आवाजाची डॉल्बी लावतो, कोणत्या गणेश मंडळाची किती केटी निघते याचीच.
आज शहरात बहुतांश ठिकाणी 20 फुटातून अधिक उंचीच्या गणेश मूर्तीची स्थापना करण्यात आली आहे, स्थापनेच्या दिवशी पोलिसांच्या नाकावर टिच्चून एल ई डी लाईटसह कर्कश्य आवाजाच्या डॉल्बीच्या आवाजाचा अनुभव अंबाजोगाई वासीयांनी घेतला.
स्थापनेच्या दिवशी पासून काही गणेश मंडळा कडुन केटी काढण्याचे नियोजन झाले व त्याला प्रारंभही झाला.
मात्र दुर्देव आहे की बोटावर मोजण्या एवढे गणेश मंडळ सोडले तर कुठल्याही गणेश मंडळा समोर गणेशाच्या समोर देखवे सादर करण्याचा, काही स्पर्धा घेण्याचा कुठलाही प्लॅन नाही. गणेश मंडळाना प्रोत्साहन मिळावे या साठी वसुंधरा प्रतिष्ठान व रोटरी क्लबच्या वतीने परितोषक ठेवल्या जातात मात्र शहरातील एकूण गणेश मंडळाचे देखावे पाहता कुठंतरी नाईलाजाने हे पारितोषिक देत आहोत की काय? अशी मानसिकता आयोजकांची होत असते.
एकूणच थोडक्यात सांगायचे झाले तर दिवसेंदिवस लोप पावत चाललेला अंबाजोगाई शहराचा सांस्कृतिक वारसा व निर्माण होत चाललेले दूषित वातावरण ही शहर वासीया साठी धोक्याची घंटा आहे हे नाकारून चालनार नाही.
