“पोरींनो, पळून जाऊ नका” पोलीस ठाणे अंबाजोगाई शहर यांच्या वतीने पोलीस निरीक्षक श्री. शरद जोगदंड यांचा समाजाला भावनिक संदेश

“पोरींनो, पळून जाऊ नका”

पोलीस ठाणे अंबाजोगाई शहर यांच्या वतीने पोलीस निरीक्षक श्री. शरद जोगदंड यांचा समाजाला भावनिक संदेश

पोरींनो,
तुमच्या जन्मानंतर तुमच्या आई-वडिलांनी आनंदाने गाडीवर तुमचे छोटेसे पाय उमटवले.
दर महिन्याला वाढदिवस साजरा केला,
तुमच्या पहिल्या हसण्यात त्यांनी जग पाहिलं,
आणि तुमच्या पहिल्या अश्रूत त्यांनी वेदना अनुभवल्या.

त्यांनी तुम्हाला प्रेमाने, लाडात, कौतुकात वाढवलं.
पण नंतर काही वेळा…
भावनांच्या भरात, प्रेमाच्या मोहात, काही मुली एखाद्या मुलासोबत घर सोडून जातात.
त्या क्षणी वाटतं — “तो मला खूप प्रेम करतो, माझ्याशिवाय राहू शकत नाही.”
पण नंतर वास्तव समोर येतं —
घरभाडं, खर्च, जबाबदाऱ्या, संसाराची गणितं.
तेव्हा तोच प्रेम करणारा नवरा बदललेला दिसतो.
बर्‍याचदा तोच मुलगा, जो आधी प्रत्येक इच्छा पूर्ण करत होता,
नंतर “संसार उपयोगी वस्तूमध्ये गरजा पूर्ण करण्यामध्ये पैसा विभागतो.”
तेव्हा सुरू होतात कलह, तणाव, हिंसाचार, आणि दुर्लक्ष.
कधी नवरा सोडून जातो… आणि कधी मुलगी एकटी पडते.
त्या वेळी मुलीचा हिरमोड होतो, पण परतीचे दोर कापलेले असतात.
आई-वडिलांचं घर, सन्मान, समाज — सगळं मागे सोडलेलं असतं.
मग सुरू होतो मानसिक ताण, अत्याचार, आणि एकाकीपणा.
कधी कधी या वेदना एवढ्या तीव्र होतात की…
आई-वडील स्वाभिमानाच्या वेदनेतून आत्महत्या करतात,
किंवा काही वेळा राग आणि हताशेने समोरच्याचं आयुष्य उद्ध्वस्त होतं.
अशा घटना कोणीच बघू नयेत… म्हणूनच हा संदेश महत्त्वाचा आहे.
‍♂️ एक पोलीस अधिकारी म्हणून, आम्हाला रोज वास्तव दिसतं.
दररोज आमच्या पोलीस ठाण्यात काही आई-बाप येतात —
“माझी मुलगी घरातून निघून गेली आहे” म्हणत.
त्यांचे डोळे भरलेले असतात, आवाज थरथरतो, आणि मन तुटलेलं असतं.
त्या वेदना शब्दांत सांगता येत नाहीत.
एक पोलीस अधिकारी म्हणून नव्हे, तर एक बाप म्हणून,
त्या क्षणी आमच्या डोळ्यांतही पाणी येतं.
म्हणूनच आज,
हा संदेश देणं आम्हाला कर्तव्य वाटतं —
“पोरींनो, पळून जाऊ नका.”

लक्षात ठेवा —
तुम्हाला तुमच्या कृतीचा पश्चात्ताप,
तुम्ही स्वतः आई व्हाल तेव्हा होईल.
जेव्हा तुम्ही तुमच्या मुलीला हातात घ्याल,
तेव्हा कळेल — आई-वडिलांचं प्रेम किती निस्वार्थ आणि खोल आहे.
आयुष्याच्या शेवटच्या टप्प्यापर्यंत साथ देणारी व्यक्ती —
तुमचे आई-वडीलच असतात
पोलीस ठाणे अंबाजोगाई शहर तर्फे समाजाला स्पष्ट संदेश —

> जर कोणी प्रेमाच्या नावाखाली दबाव, धमकी किंवा फसवणूक करत असेल,
घाबरू नका. पोलिसांकडे या.
आम्ही तुमच्या सुरक्षेसाठी आणि सन्मानासाठी सदैव तयार आहोत
पोरींनो, पळून जाऊ नका.
प्रेम करा, पण विचारपूर्वक करा.
आई-वडिलांच्या सन्मानाला कधीच धक्का लागू देऊ नका.
तुमचं खरं सुख, खरं प्रेम आणि खरं रक्षण —
ते आई-वडिलांच्या मायेच्या सावलीतच आहे.

दत्तात्रय आंबेकर ९४२२९३१४२१