*बीड पोलीस मुख्यालयात कार्यरत असलेले पो कॉ अनंत इंगळे यांची गळफास घेऊन आत्महत्या*

बीड (प्रतिनिधी)

    बीड पोलीस मुख्यालयात कार्यरत असलेले पो कॉ अनंत इंगळे यांनी काल रात्री मुख्यालया मधेच गळफास घेऊन आत्महत्या केल्याचे आज सकाळी निदर्शनास आल्याने पोलीस वर्तुळात खळबळ उडाली आहे.

       अनंत इंगळे हे काही काळ अंबाजोगाई, परळी या ठिकाणी कार्यरत होते. मागील काही महिन्या पासून ते बीड मुख्यालयात कार्यरत असून काल रात्री ड्युटी वर असतानाच इंगळे यांनी आज पहाटे गळफास घेउन आपली जीवन यात्रा संपवली.

इंगळे यांनी अशाप्रकारे आपल्या आयुष्याचा शेवट का केला? त्यांच्या आत्महत्येमागं नेमकं कारण काय? याची माहिती अद्याप समोर आली नाही. इंगळे यांनी आत्महत्या केल्याची माहिती त्यांच्या नातेवाईकांना देण्यात आली आहे. पोलीस घटनास्थळाचा पंचनामा करत आहेत. कर्तव्यावर असणाऱ्या पोलीस कर्मचाऱ्याने अशाप्रकारे आत्महत्या केल्यानं बीडच्या पोलीस प्रशासनात खळबळ उडाली असून आत्महत्येच्या कारणाचा शोध घेतला जात आसुन अनंत इंगळे यांना दारूचे भयान व्यसन जडलेले होते, दारूच्या नशेत तर याने हे टोकाचे पाऊल उचलले नसेल ना याचा शोध पोलीस तपासात घेतला जाणार आहे.